Nagpasa ako ng resume wehehehe!

Note: Tagalog mode ulit upang protektahan ang sarili saka-sakaling ang amo ko pala ay nagsu-surf at may blog din..

Okay naman sa kompanya kong to. Di man ako properly compensated sa dami at antas ng trabahong ginagawa ko, e masasabing pupwede na. Kumbaga di ka kuntento pero pede nang pagtiyagaan.

Kasi nga mabait ang mga amo ko (crush nga kasi ako hehe), tapos parang wala na kong balak lumipat pa ng bagong trabaho kasi balak kong makipagsapalaran sa Europa by next year. E kung lilipat pa ako ng trabaho dito e di bagong kontrata na naman yun na 2years, e sawa na nga ko sa Dubai. Kaya parang mas mainam na tapusin ko na yung kontrata ko sa present company ko at saka ako sumibat ng malinis ang record ko..

Pero...

Oo, di ko mapagkasya ang sahod ko.. kumbaga pag inalis ko na yung bayad sa kuryente, tubig, bahay, padala sa pinas, transpo at pagkain e ang matitira sakin e pambili na lang ng yosi at isang fonecard, asan ang ipon ko? wala. Kaya nga ni pambili ng ticket pauwi e wala ako hehe.. May naitabi naman ako, pero kulang pa siyang ticket papuntang Europa.

Isang taon mahigit na ko dito, pero nahihiya akong lumapit sa amo ko at humingi ng increase sa sahod.. ewan ko ba! Pero kanina, habang nag-aayos ng dyaryo ng amo ko, nasulyapan ko ang classified. Mula nung napasok ako dito ay di ako naghahalungkat ng classified kasi nga parang pinaniwala ko ang sarili ko na okay na ko sa ganito. Pero out of the blue kanina e bigla siyang sumagi sa mata ko, at ang una ko kaagad nakita e opening para sa isang executive secretary ng GM! Usually naman deadma lang ako sa ganyan pero nung nakita ko yung sahod na inoo-offer nila, aba e napaisip ako.. 17,000aed? e wala pa sa 1/4 nun ang kinikita ko.. Imagine? 255,000php a month?

Feeling ko naman di ako qualified e, feeling ko kailangan nila e yung tipong sampung taon ng nagtratrabaho dito, tapos may MBA, tapos tipong US o UK educated, puti, hindi handwritten ang passport gaya natin, blah blah.. in other words e masyadong bigtime yung sahod para mapansin ang isang hamak na tulad ko! (pinulot ka lang sa lupa, bwahahaha!)

Pero malay natin... baka ma-type-an ako nung GM, gusto nya pala bata hehe. Kaya nagpasa ako ng resume! Ewan, basta nagtrip lang naman ako e. Di naman ako umaasa na masho-shortlist ako e. Basta kasi jologs yung resume ko (cv tawag nila dito). E pano kung napili ako? Diba?

At least wala akong what ifs, hehe!

Hmm.. ano nga kaya no? Hehe!